Venite Adoremus

Adeste fideles laeti triumphantes,
Venite, venite in Bethlehem.
Natum videte Regem angelorum.

Venite adoremus,
Venite adoremus,
Venite adoremus,
Dominum.

Deum de Deo, lumen de lumine,
Gestant puellae viscera.
Deum verum, genitum non factum.

Venite adoremus,
Venite adoremus,
Venite adoremus,
Dominum.

Cantet nunc io chorus Angelórum
cantet nunc aula caelestium:
Gloria in excelsis Deo.

Venite adoremus,
Venite adoremus,
Venite adoremus,
Dominum.

Ergo qui natus die hodierna.
Jesu, tibi sit gloria,
Patris aeterni Verbum caro factum.

Venite adoremus,
Venite adoremus,
Venite adoremus,
Dominum.